Namna Melavvi Chhe? નામના મેળવવી છે? / ધંધાદારી શ્રેણી 8

યશ અને કીર્તિ. સુખ અને સમૃદ્ધિ. આ મેળવવા માટે આપણે સૌ મહેનત કરીએ છીએ. આપણા મોટા ભાગના પ્રયત્ન પણ એ જ દિશાના હોય છે. આ ત્રણ પુસ્તકો એ વિશેનું વિશેષ જ્ઞાન આપે છે જે આપણને જીવનમાં નવી દિશા અને ઊંચાઈ તરફ લઇ જાય છે.

અંતરવલોણું : એવી કથાઓ, પ્રસંગો, ઘટનાઓ આ પુસ્તકમાં છે જે જીવનના અલગ અલગ પાસાઓ અને પરિસ્થિતિને વર્ણવે છે. એ ઘટનાઓ બીજાના જીવનમાં જ બને છે એવું નથી, આપણા જીવનમાં પણ એવું જ બનતું હોય છે. વાર્તાનો હીરો બીજું કોઈ નહીં, આપણે સ્વયં બનવાનું હોય છે.

ચાણક્ય નીતિ : વર્ષોથી જે નીતિઓનું પાલન કરીને અનેક લોકોએ જીવન અને કાર્ય ક્ષેત્રે સફળતાની નવી ઊંચાઈ હાંસિલ કરી છે એ નીતિઓ તમારે પણ જાણવી અને સમજવી જોઈએ. આ એવા સિદ્ધાંતો છે જે જીવનના ડગલેને પગલે મદદરૂપ થશે.

બ્રાન્ડ સાગા : કંપની હોય કે વ્યક્તિ, એ બ્રાન્ડ ક્યારે બને છે? એ કેવા સંઘર્ષોમાંથી પસાર થાય છે? એ શું પોલિસી અપનાવે છે? ક્યાં ગુણ એને મંઝિલ સુધી પહોંચાડે છે? આવી ઘણી બધી બાબતો છે આ પુસ્તક. આપણી આસપાસ સતત ધ્યાનમાં આવતી અને ઘણી બ્રાન્ડના આપણે ગ્રાહક પણ હશું, પરંતુ આ ‘નામ’ આજે એક ‘બ્રાન્ડ’ કઈ રીતે બની છે એ જાણવા માટે આ પુસ્તક વાંચવું રહ્યું. આ પુસ્તક તમને તમારા કાર્યને અને સ્વયંને એક ઓળખ ઉભી કરવામાં મદદરૂપ બનશે.

ચાલો, થોડીક હિમ્મત અને પ્રયત્ન કરી આ જ્ઞાન મેળવીએ. જેથી, આપણું અને આપણી આસપાસના લોકોનું જીવન વધુ સુખપૂર્ણ અને સમૃદ્ધ બને.